તું નાનો, હું મોટો

તું નાનો, હું મોટો -
એવો ખ્યાલ જગતનો ખોટો ;
આ નાનો, આ મોટો -
એવો મૂરખ કરતા ગોટો.

ખારા જળનો દરિયો ભરિયો,
મીઠા જળનો લોટો ;
તરસ્યાને તો દરિયાથીયે
લોટો લાગે મોટો.

નાના છોડે મહેકી ઊઠે
કેવો ગુલાબગોટો !
ઊંચા ઊંચા ઝાડે તમને
જડશે એનો જોટો ?

મન નાનું તે નાનો,
જેનું મન મોટું તે મોટો

આવ્યો

હું શાયર દુનિયામાં પ્રેમને શોધવા આવ્યો છું,
નથી ખબર મને શું છે પ્રેમ ફક્ત તેનો અણસાર લઈને આવ્યો છું,
પ્રેમ થકી લાગણી ઘણી છે મને પણ
બેવફાઓના નામ શોધવા આવ્યો છું,

પ્યાર કોનો પૂરો થયો છે ? તેનો જવાબ લેવા આવ્યો છું,
પ્યારનો પહેલો અક્ષર જ અધૂરો કેમ છે
એ ‘અઘરો સવાલ’ લઈને આવ્યો છું,
શું છે જિંદગી ? એની મને ખબર નથી
પણ મોતની ખબર જાણવા આવ્યો છું,
નસીબદારોને પ્રેમ મળે છે
હું એ ‘ખુશનસીબ’ને શોધવા આવ્યો છું..

પણ મઝા અનેરી હોય છે

હારેલી જીંદગી જીવવાની પણ મઝા અનેરી હોય છે.

 

કીનારા પર વહાણ હંકારનારાઓ તમને શું ખબર, 

તૂફાન માં કશ્તી ગુમાવવાની પણ મઝા અનેરી હોય છે.  

તમામ ઉમર જેને પામવાની તડપ હોય પરંતુ, 

તેને મેળવીને ગુમાવાની પણ મઝા અનેરી હોય છે.  

બે હાથ વડે ઝીંદગી ઉલેચનારાઓ એટલું પણ જાણો કે, 

છેલ્લા શ્વાસે હથેળી ખાલી જોવાની પણ મઝા અનેરી હોય છે.  

એક વાટ પકડી ને ચાલનારાઓ મંઝીલ જરુર પામે છે, 

કીન્તુ માર્ગ માં ભટકી જવાની પણ મઝા અનેરી હોય છે.  

દુનીયા જીતનારા ઘણાં સીકંદરો ભૂલાઈ ગયાં, 

એક-બે ના દીલ જીતી ચાલી જવાની પણ મઝા અનેરી હોય છે....

મન થાય છે...

આજ વરસતા વરસાદ મા પલઙવાનુ મન થાય છે, 

ઍમની યાદ મા ભીંજાવાનુ મન થાય છે, 

છે એ એટલા બધા દુર, 

વરસતા વાદળ નો હાથ પકડી મળવાનુ મન થાય છે, 

જાણૅ કે ઍમનો સંદેશો લઈ ને આવ્યો હોય્, 

એવો તે મેઘ આજે વરસે છે, 

ગગન મા બનતી અવનવી આક્રુતીઓ માં, 

મારી પલક ને એમનુ મુખડુ શોધવાનુ મન થાય છે...

મારો પ્રેમ

જે નાજુકાઈથી આ શમણું આંખને અડકે, 

તું એ જ રીતથી મારા વિચારને અડકે.  

શું તારા સ્પર્શથી એને થતી નથી તૃપ્તિ? 

ન હોય તું જો કને, તારી યાદને અડકે.  

ઊગી છે પાણીમાં તું આ કિંવા કમળ થઈને, 

હશેને કૈંક તો એવું કે જે તને અડકે ?!  

દસ આંકડા જ છે છેટો ભૂલો પડ્યો ટહુકો, 

દસ આંગળામાં નથી દમ કે ફોનને અડકે.  

સતત હૃદય, બધા કોષો અને મગજને અડે, 

વિચાર લોહી જેવો છે, દરેકને અડકે.  

ઘડી ઘડી તને લેવો પડે, શી મજબૂરી !! 

હે શબ્દ ! શ્વાસ થઈ શાને તું મને અડકે??...

તમે તો હદ કરો છો!!!!!!

દીકરી વ્હાલ નો દરિયો

ને દીકરો બોર નો ઠળીયો

---------------------------------------------------------

રોજ ટ્રેનમાં અપ-ડાઉન કરવાવાળાઓ માટે જે છેલ્લા ટાઇમે ટ્રેન પકડે છે

ઉઠો, જાગો અને ટ્રેન પ્રાપ્તિ માટે મંડ્યા રહો

---------------------------------------------------------

એક રિક્ષામાં પેસેન્જર સીટ્ની સામે લખ્યુતુ

ભારતની સંસ્ક્રુતિ વિશ્વમાં વખણાય છે

સભ્યતાથી બેસજો,કાચમાં દેખાય છે

----------------------------------------------------------

મોજા હી મોજા,

બુટ ચોરાઇ ગયા

----------------------------------------------------------

ૐ સસ્તીનાહ ઇન્દ્રો દુધ પી ગ્યો મીંદડો

-----------------------------------------------------------

પહેલુ સુખ તે જાતે નર્યા,

ને ઘર ચોખ્ખુ જો પોતા કર્યા

-----------------------------------------------------------

નારી તુ નરનારી

અમે ટોસ અને તમે ખારી

-----------------------------------------------------------

દુધનો દાઝ્યો છાશને ફુંક મારીને પીવે

સુપનો દાઝ્યો કોલ્ડકોકો ને ફુંક મારી ને પીવે

------------------------------------------------------------

વંદે માતરમ, ખિસ્સા કાતરમ્

ઇન્કલાબ ઝિંદાબાદ,

કોલર પકડી, બોચી દાબ

-------------------------------------------------------------

હમારી માંગે પુરી કરો

પુરી નહીતો રોટ્લીતો કરો!

--------------------------------------------------------------

ૐ ૐ હરી હરી કુછ ભી હો જાય પણ Don't worry..

---------------------------------------------------------------

આજ કરે સો કલ કર

કલ કરે સો પરસો

ઇતની જલદી ક્યા પડી હે

જબ જીના હે બરસો

----------------------------------------------------------------

સંપ ત્યાં જંપ

સાયકલ ત્યાં પંપ

પેટ્રોલ હવે બવ મોંધુ થઈ ગિયું

------------------------------------------------------------------

બા બહુ ને બેટી,ખાય વડલા ની ટેટી,પછી ગુમણા થાય તો મને ના કે'તી

-------------------------------------------------------------------

સોનિયા સફેદિ આપકે સારે કૌભાંડ ધો ડાલે

-------------------------------------------------------------------

હસે તેનુ ઘર વસે

ના હસે તેના ઘર આગડ કુતરા ભસે

પ્રેમનો એકરાર

જુદા જુદા રોજગારમાં રોકાયેલ વ્યક્તિ પોતાના પ્રેમનો એકરાર પોતાની ભાષામાં કેવી રીતે વ્યક્ત કરે છે તેની પરના રમૂજી મુક્તકો !!

[1] સુથાર

છોલવું કારણ વિના એ એમની લત હોય છે
પ્રેમનો રંધો નવો ને રોજ કસરત હોય છે
છે ટકાઉ સાગ જેવું દિલ છતાં વ્હેરાય છે
એમની પાસે નજરની એક કરવત હોય છે

[2] લુહાર

ઘણની સાથે કોની જોડી હોય છે ?
લાગણી ટીપી ને તોડી હોય છે
બેવફા તારા હૃદયની એરણે –
રોજ બદલાતી હથોડી હોય છે !

[3] ટપાલી

તારી ગલીમાં જાતને વેચ્યા કરું છું હું
તારા પ્રણયના બોજને ખેંચ્યા કરું છું હું
કોની કૃપાથી હું ઘસું છું તારા ઉંબરા ?
પત્રો લખે છે કોક ને વહેંચ્યા કરું છું હું !

[4] ટાલ ધરાવનાર

હું ઘસાયો એકલો ને તું સદા વ્હેતી ગઈ
‘લ્યો લપસજો’ કહીને લીસ્સા ઢાળ તું દેતી ગઈ
તેં દિધેલો કાંસકો ઝાલીને હું બેસી રહ્યો
બેવફા તું મસ્તકેથી વાળ પણ લેતી ગઈ !

[5] સેલ્સમેન

સાવ રીઝનેબલ અમારા રેટ છે
પ્રેમપત્રોનું અસલ પેકેટ છે
હર સિઝનમાં ચાલતી પ્રોડક્ટ આ –
વાપરો તો દિલ મફતમાં ભેટ છે.

[6] પાયલોટ

રન-વે પ્રણયનો વ્યસ્ત છે, પ્લેનો હજાર છે
તારી નજરનો જોકે જુદેરો પ્રકાર છે
જગ્યા તો તરત થઈ જશે, તું લેન્ડ કરી જો
સિગ્નલ સતત ઝીલે છે, હૃદયનું રડાર છે.

[7] દરજી

ગાજ-ટાંકામાં નવું શું ? રોજ એ કરતો રહું ?
પ્રેમનો ગ્રાહક મળે તો રોજ છેતરતો રહું
આમ તો કાતર જૂની છે, તોય રઘવાયી રહે
પારકા તાકા મળે તો રોજ વેતરતો રહું !

[8] પોલીસ

હથકડી હૈયાની નહીં તૂટી શકે !
મુજ વિના કોઈ નહીં લૂંટી શકે !
તું ભલે ઝડપાઈ મારા પ્રેમમાં –
પણ વગર હપ્તે નહીં છૂટી શકે !

[9] ઈંગ્લીશ બોલતો ગુજરાતી

ફિલ્ડ છે લવનું ડીયર, તું ફલર્ટ કર ને ફ્લાય કર
તન થયું ટાયર્ડ, તો તું મનને મેગ્નીફાય કર
પ્રેમમાં ઈનફેક્ટ, યુ સી, ન્હોય પરમેનન્ટ કૈં
તુંય થા બીઝી ગમે ત્યાં, ને ગમે ત્યાં ટ્રાય કર !

[10] દૂરદર્શનનો ઉદ્દઘોષક

પ્રેમનું આ છે પ્રસારણ દિલની ચેનલ વન ઉપર
હે પ્રિયે ચેનલ બદલ ના વાત લેજે મન ઉપર
ખેંચ ના સિરિયલ હવે સંબંધની દર્શને
એક એપિસોડ તો કર પાસના દર્શન ઉપર

[11] ક્રિકેટર

છે પ્રિયે લિમિટેડ ઓવર્સ, ને પ્રણયની ખેંચ છે
ડેડ-પીચ પર ચાલતી આ એક વન-ડે મેચ છે
થર્ડ અમ્પાયરને વચમાં નાંખ ના, આ પ્રેમ છે
આપણો સંબંધ શું છૂટી ગયેલો કેચ છે ?

--નિર્મિશ ઠાકર

Reference by http://funngyan.com/blog_world/

રહી જાય છે....

નયનથી નયન જુઓ ને કેવા ટકરાઇ જાય છે,
છતાંય હૈયાની વાત હોઠ સુધી આવીને કેમ રહી જાય છે.

સામા મળો છો તમે ત્યારે કહેવાનું મન થઇ જાય છે,
પણ કિસ્મત અમારું એવું તમારો રસ્તો જ ફંટાઇ જાય છે.

દિલ મારું કહે છે કે હાલત તમારી પણ આવી જ હશે,
માટે તો હોઠ તમારા પણ સિવાઈ જાય છે.

હિંમત કરીને આવું ત્યાં તો વાત જ બદલાઈ જાય છે,
ચહેરો તમારો જોઇને મારા શબ્દો પણ ખોવાઈ જાય છે.

ભલે હોય હાલત આપણી આવી છતાંય મારું માનવું છે કે,
આ રીતે જ ધીરે ધીરે દિલ સમીપ આવી જાય છે. 

રમૂજી ટૂચકા

દેવજી (પોતાની પુત્રીને) : 'બેટા, તારા માટે મેં છોકરો જોઈ લીધો છે અને આવતા મહિને જ તારા લગ્ન પણ હું તેની સાથે કરાવી નાખીશ.
પુત્રી આદિ : 'પરંતુ પપ્પા, હું મારી મમ્મી વિના રહી શકું તેમ નથી !'
દેવજી : 'મારા તરફથી છૂટ છે બેટા, સાથે સાથે તારી વહાલી મમ્મીને પણ લેતી જજે.'
****************

ન્યાયાધીશ : તેં ઝવેરીને દુકાનમાંથી ધોળે દિવસે હાર ચોરવાની હિંમત કેવી રીતે કરી ?
ચોર : સાહેબ ! દુકાન ઉપર જ લખ્યું હતું કે આ સોનેરી અવસર હાથમાંથી જવા ન દેતા.
****************

ચાલીસી વટાવી વયેલ દંપતી દર્શને ગયા. દર્શન કરી લીધા બાદ પતિએ પૂછયું, 'તે શું માંગ્યું ?'
પત્ની કહે. સાતે જન્મ તમે મારા પતિ થાઓ.
પત્નીએ પૂછયું, 'તમે શું માંગ્યું ?' પતિએ કહ્યું, 'મેં માંગ્યું કે આ મારો સાતમો જન્મ હોય !'
****************

એક સામાયિકના તંત્રીને એક લેખકે રોષભર્યો પત્ર લખ્યો કે તમોએ મારા ચાર ચાર લેખો પાછા મોકલાવ્યા છે, તેનું શું કારણ છે ?
તંત્રીએ જવાબ આપતા કહ્યું કે વાચકો અમારું સામાયિક પાછું મોકલે એવું અમે ઈચ્છતા નથી.
This message was sent to you by પ્રેમ એટલે પોતાના જ આત્મા સાથે નુ મિલન.

મને બીક ના બતાવો !

મારી કોઈ ડાળખીમાં પાંદડા નથી
મને પાનખરની બીક ના બતાવો !
પંખી સહિત હવા ચાતરીને જાય
એવું આષાઢી દિવસોમાં લાગે,
આંબાનું સાવ ભલે લાકડું કહેવાઉં
પણ મારામાં ઝાડ હજી જાગે.
માળામાં ગોઠવેલી સળી હું નથી
મને વીજળીની બીક ના બતાવો !
એકે ડાળીથી હવે ઝીલ્યો ન જાય
કોઈ રાતી કીડીનોય ભાર !
એક પછી એક ડાળ ખરતી જોઉં ને થાય
પડવાને છે કેટલી વાર ?
બરફમાં હું ગોઠવેલું પાણી નથી
મને સૂરજની બીક ના બતાવો.

--અનિલ જોષી

યાદ છે...!

તને અડક્યાં ની હર પળ યાદ છે,
તને ચુમ્યા ની હર પળ યાદ છે.
તને છેડ્યા ની હર પળ યાદ છે,
તારા ઝગડા ની હર પળ યાદ છે.
કહુ કેમ તને કેટલો કરુ છુ પ્રેમ્,
તારા અશ્રુ ની હર પળ યાદ છે.
વાત અમસ્તી કેટલી લંબાવી હશે,
તારી પેહલી મુલાકત હજી યાદ છે.
હતી કેટલી નિર્દોશ આંખો તારી,
એ આંખો ની ઝંખના હજી યાદ છે.
તડપ તો તારી કેટલી જોઇ હતી
તારી પાછળ બેઠેલો મન હજી યાદ છે.
યાદ ના વમળ માં આટલો ના ખોવાઇશ "મન્"
તારા પ્રેમ ની નિશાનીઑ હજ યાદ છે.

તુ જ કહે મને

દરેક ખુશી છે અહિ લોકો પાસે, પણ હસવા માટે સમય નથી
દિવસ-રાત દોડતી દુનિયા મા, જિંદગી માટે પણ સમય નથી

મા ના હાલરડા નો અહેસાસ છે, પણ મા ની મમતા માટે સમય નથી
બધા સંબંધો તો મરી ગયા જાણે, પણ તેમને દફનાવવાનો સમય નથી

બધા નામ મોબાઈલ મા છે પણ, મિત્રતા માટે સમય નથી
પાર્કા ઓ ની શુ વાત કરવી, પોતના માટે પણ સમય નથી

આંખો મા છે ઊંઘ ઘણીયે, પણ સુવા માટે સમય નથી
દિલ છે ગમો થી ભરેલુ, પણ રોવા માટે સમય નથી

પૈસા ની દોડ મા એવા દોડ્યા, કે થાકવા નો પણ સમય નથી
પારકા અહેસાનો ની શી કદર કેરીએ, જ્યા પોતાના સપના ની જ કદર નથી

તુ જ કહે મને એ, શી થશે આ જિંદગી નુ,,,,,
દરેક પળે મરવા વાળા ને, જિવવા માટે પણ સમય નથી..........

ક્યાં સુધી ?

સમયનો તકાદો છે ઈન્તજારનો
હું રાહ જોઉં, પણ ક્યાં સુધી ?

મંઝિલ નથી દૂર, મજલ છે લાંબી,
હું ચાલતો તો રહું, પણ ક્યાં સુધી ?

શમણાંઓ બોલે છે આગમનની ભાષા,
એને રાખું હું મૂંગા, પણ ક્યાં સુધી ?

દર્શનને ઝંખે છે વિરહાતુર નયનો,
દોર આશાનો હું ખેંચું, પણ ક્યાં સુધી ?

સમયની રેતમાં ક્ષણો સરી જાય છે,
હું શ્વાસોને ઝાલું, પણ ક્યાં સુધી ?

ધીરજની કસોટીની હદ હોય, ઓ ઈશ્વર !
તને પોકારતો રહું, પણ ક્યાં સુધી ?

મોર્ડન રામાયણ

રામ ને લક્ષમણ પાન-માવો ખાવા ગ્યા'તાં એવામાં રાવણ સાયકલ લઇને સીતાનું અપહરણ કરવાં આવ્યો...

સીતાજીએ બી ને જલ્દી-જલ્દી cell માં થી રામને misscall માર્યો (રામે RIM to RIM free કરાવેલું હતું...)

રામે હામો માર્યો (call) ... "Hey Sweet Heart wts up??"

સીતા: "Sweet Heart ની તો .......... કવ ઈ ન્યાં .......... આંય તારો કાકો ગુડાણો છે મને લૈ જાવા......."

રામ: "હુ વાત કરેસ? પાછો??? પાછું ઓલું પીલેન લૈને.......?"

સીતા: "ના રે હુ તમેય તે... પેટ્રોલ પોહાય ??? આ ફેરી તો સાયકલ લૈ આયો સે..."

રામ: "લે ગાંડી તો હુ ચીંતા કરેસ .. ?? એને ડબલમાં નથી આવડતી ... !!!

કોલેજ ફન્ડા

કોલેજ લાઇફ એટલે રિલાયન્સ જેવી :- કરલો દુનીયા મુઠી મેં
બેચલર લાઇફ એટલે એરટેલ જેવી : -ઐસી આઝાદી ઓર કહા ?
એંગેજમેન્ટૅ પછી આઇડીયા જેવી :- જો બદલ દે આપકી ઝીન્દગી
મેરેજ પછી હચ જેવી :- વેર યુ ગો અવર નેટવર્ક ફોલોવ્સ (તમે જ્યાં જશો અમારુ નેટવર્ક (પત્ની) તમારી પાછળ હશે)
અને છોકરા છૈયા પછી બિ એસ એન એલ જેવી : આ રુટ ની તમામ લાઇનો વ્યસ્ત છ

ક્રાન્તિબીજ

કદમ અસ્થિર હો એને કદી રસ્તો નથી જડતો,
અડગ મનના મુસાફરોને હિમાલય પણ નથી નડતો..
-શૂન્ય પાલનપુરી